IMOS A PDI

Como nas clases non temos Internet, hoxe voltamos á aula de informática pero non aos ordenadores, senón á PDI. Primeiro vimos estos contos en flash que nos gustaron moitísimo:

Despois xogamos á versión demo dos recursos que nos proporciona a páxina de RACC EDUCA. Foi moi divertido. Tiñamos que tomar decisións para movernos correctamente pola cidade. Había catro xogos e non podíamos pasar ao seguinte se antes non acabábamos o xogo no que estabamos. Xogamos entre todos e o pasamos moi ben.

Cando voltamos para clase, fixemos esta fichiña na que tiñamos que sumar e restar as luces do semáforo, algúns necesitamos a axuda do ábaco para facela:

E despois construímos o noso semáforo:

COÑECENDO A SEMAFORÍN

Agora que a nosa amiga Laretas xa se despediu de nos, chegou o momento de coñecer a SEMAFORÍN, un semáforo amigo que nos explicou algunhas cousiñas máis de como podiamos facer para cruzar as rúas sen perigo. Así foi a súa presentación e as cousiñas que nos dixo:

Semaforín nos dixo que tiña cinco ollos, tres para axudar aos condutores e dous para axudar aos peóns. Como nós somos peóns empezamos por estes dous últimos. Para que nos quedaran moi clariños vimos o conto de "Foro, Lino y Desi":

Fixemos algunhas fichiñas como estas:

Estivemos a cantar esta canción:

Vimos este video de Jota, Jota, onde nos ensina como cruzar:

E no ordenador xogamos a estos xogos:

Para acceder aos xogos tedes que clicar na imaxe de arriba, despois na porta que hai abaixo á dereita e despois en xogos interactivo

AS PARTES DUNHA RÚA

Ao longo desta semana , aprendimos con Laretas cales son as partes dunha rúa e tamén para que serven as BEIRARRÚAS. Queredes escoitala?

Explicounos que polas beirarrúas podemos cruzar as estradas e que os nenos e nenas pequenos teñen que ir da man dun adulto. Pero tamén falamos do perigoso que é xogar na beirarrúa, baixar o bordo, cruzar a estrada sin mirar,... Senón, mirade o que lle pasou ao coelliño Tito cando ía camiño da escola coa súa amiga Dora. Clicade na imaxe para ver e escoitar o conto:

Vimos algúns videos onde aprendimos como hai que ir polas beirarrúas, que aínda que vaiamos ben, temos que ter coidado nas entradas e saídas de vehículos, que temos que cruzar sempre polo paso de peóns e que antes temos que mirar para os dous lados e asegurarnos de que están parados.

E algúns episodios dos Lunnis onde nos explican educación vial: "Todos os sentidos" (Lulo nos ensina que polas beirarrúas temos que ir da man e ter coidado porque poden saír coches dos garaxes). "Lucho cruza á rúa" ( a Lucho se lle escapa a pelota e case cruza sin mirar), "Lugares de xogo" (Lubina avisa a Lucho de que na rúa non se xoga) e "Os pasos de peóns" (Lupita e Lula cruzan polo paso de peóns sen tomar as precaucións necesarias). Todos eles os podedes atopar na páxina de CLAN TV.

Tamén fixemos estas fichas: